ايه هي المديونيه وايه هي القسيمة؟ وكيفية استخراجها وهل هما حرام أم حلال 🤔
اولا #المديونية ودي ليها ٣ طرق
الأولى: انك تعمل كذا اكونت وعليهم كذا حساب اعلاني واربط بيهم فيزا تفتحلك الحساب مديونيه وبكدا تكون مديون للفيس بوك وطبعا كل ما بتوصل حد المديونيه بتسيب الحساب وتشوف غيره
الثانيه : انك تخترق حساب شخص يكون بيشتغل اعلانات بالفعل وتعمل من حسابه اعلانات زي ما بنشوف ان في ناس بتنام وتصحي تلاقي حد فتح الحساب وعمل منه اعلانات
الثالثه : وهي سرقة معلومات الفيزا من أشخاص ووضع بيانات البطاقة في الحساب الإعلاني ويعمل منها دفعه مقدمه
وطبعا الحرمانيه هنا مفروغ منها
ثانيا:#القسيمة هي عباره عن قسيمه شراء اعلانات مجانيه من الفيس بوك تمنح للأكونت الشخصي مره واحده كتحفيز من الفيس بوك لك لعمل الإعلانات بشكل دائم
كيفيه استخراجها؟
في طريقتين
الاولى: وهي انك تستخدم برامج هاكر او سكامه وتفتح اكونتات ناس يكونوا ما عملوش صفحات قبل كدا وتبدأ تستخرج قسيمه من على اكونتاتهم
وطبعا احنا متفقين هنا انها حرام
التانيه: عمل اكونتات جديدة واستخراج قسايم منها ودي عليها خلاف فتعالى نضرب مثال يوضح ليه هي حرام
لو احنا ساكنين في عماره فيها ١٠٠ شقة، وفي محل فاكهة تحت البيت
المحل دا انت عديت عليه قولتله البلح بكم قالك ب ٢٠ج
وادالك واحده تدوقها عشان يحفزك انك تشتري منه كيلو او ٢
هل من المنطقي انك تدوق من عنده وتطلع تغير لبسك وتنزل تاخد منه بلحه تانيه غيرها، وترجع تاني تروح وترجع تغير ملامح شكلك وتروح تالت وتاخد بلحه تالته غيرها وتفضل عايش حياتك بتغير في شكلك عشان تعيش تاكل من عند الراجل دا ببلاش
اتمنى اكون وضحت الموضوع بشكل مفصل
ولو حد عنده اضافه او تعديل أو اعتراض اهلا بيه